SAPRIYANTO
Pantun2 Belinjangan (Part II) ini adalah asli dari Fan Page Wong Palembang Nian... Pantun2 ini berisi Berbalas Pantun antara Bujang Gades Palembang.Sekali ini isinyo perkenalan dan rayuan2 maut dari Cek Mamat untuk Cek Molek yang baru dikenalnyo... Kiro2 berhasil dak dio ngelinjangi gades itu?? Peh, Diaturi kito baco lur....
1. Bujang (Gugup, Baru nak kenalan dgn gades)
Nyingok Soleh, cak Rano Karno
Naek kudo, nak meli kurmo
Kalu boleh, kakak betanyo
Adek yang cindo, siapo namo?
2. Gades (Sambil nunduk, Agak malu2 ngenalke diri)
Jualan buku, bukunyo laris
Jual Gulo palu, katek yang beli
Namo aku, Cek Molek Manis
Ubak aku, ketip kampung ini
3. Bujang (Mulai narsis, gara2 di enjuk angin)
Talang Keramat, Banyunyo cetek
Minum sekoteng, bauknyo anyir
Aku Cek Mamat, Tukang ketek
Paling ganteng, di tigo enam ilir
4. Gades (Maseh polos, tapi galak)
Suaro merdu, Siti Nurhalizah
Agak mendayu, lemak nengernyo
Aku baru, tamat sekolah
Belum tau, tentang dunio
5. Bujang (Mulai masukke omongan)
Cula badak, obat yang padek
Jangan di buru, takutnyo punah
Boleh nanyo dak, samo adek
Malem minggu, boleh dak kerumah?
6. Gades (Mulai ngeladeni, sedikit ngujungi)
Mato bengkak, tenangis dalu
Saketlah gulu, Tedok bekemul
Siapo kakak, nak ngapel aku
Akuni Pemalu, kurang begaul
7. Bujang (La agak masuk kendak, mulai melancarkan ujung 8)
Bermacam-macam, namo ikan
Ikan Juaro, banyak di sungi
Cacam-cacam, madak i nian
La buto galo, apo lanang sini
8. Gades (Nah, pecaknyo la ngenjuk sinyal)
Banyak katak, ngelompat ke Ulu
Kucing belari, ngejeri dio
Apo maksud kakak, ngomong cak itu
Lanang sini, cak buto galo???
9. Bujang (Ujung lapan lancip, lancip niaaaaaann, wkwkkwkwkwk)
Burung gereja, terbang melenggok
Sayapnyo lentik, kesana kemari
Madak i mereka, dak pacak nyingok
Adek yang cantik, cak Rani Mukerji
10. Gades (akhernyo mukak hatinyo)
Budaya melayu, tinggi harkatnyo
Pantunnyo padek, buat hati gembira
Kakak ngerayu, ado kendaknyo
Peh anteri balek, naek sepeda..
Horeeeee!!!!! Pecaknyo jadi Cek Mamat dapet linjangaaaaan.....
Posted in:
Puisi Dan Pantun
