SAPRIYANTO
Berisi berbalas pantun Bujang Gades Palembang yang lagi belinjangan (Pantun ini Asli dari FP Wong Palembang Nian)
Cerito tentang Bujang yang ketauan bejalan dengan Gades laen :
Bujang (ecak2 dak tau si gades lagi marah) :
Mukak kelek, bauk kelepon
Kelepon pecah, bauk kaen pel
Ngapo adek, dak ngangkat telpon
Apo marah, kakak dak ngapel
Gades (marah senianan) :
Kelepon pecah, bauk kaen pel
Kaen pel tiga, di pakek pesuruh
Bukan marah, kakak dak ngapel
Aku curiga, kakak selingkuh
Bujang (mulai lebay) :
Makan engkak, sewaktu subuh
Kokok ayam, segera sembahyang
Cak mano kakak, nak selingkuh
Siang malam, adek yg tebayang
Gades (langsung nuduh):
Makan engkak, samo kue satu
Permen karet, raso kelapo
Jangan kakak, nak ngotaki aku
Betino bontet, itu siapo?
Bujang (ngeles, mode : on) :
Permen karet, di beli Mas'ud
Rasonyo lemak, pecaklah keju
Betino bontet, yang adek maksud
Itu sepupu kakak, dari plaju
Gades (maseh curiga) :
Permennyo lemak, pecaklah keju
Di belah duo, isinyo ketan
Sepupu kakak, dari plaju
Ngapo jalannyo, nak begandengan
Bujang (nyari alasan lagi) :
Dibelah duo, isinyo ketan
Tinggal satu, makan begancang
Ngapo jalannyo, nak begandengan
Kaki dio tu, lagi pincang
Gades (mintak dirayu, la agak reda) :
Beli buku, tentang perkawinan
Ke Sebrang ulu, nyari penghulu
Kakak aku, enjuk kesempatan
Buktike dulu, cinto ke aku
Bujang (la yaken nian, gadesnyo tebudi) :
Pegi ke panti, sedekah dulu
Bejalan kaki teraso capek
Sebagai bukti, tando cintoku
Aku kesini, mawak pempek
Gades (nak ngolai si Bujang/maseh marah) :
Nak nyari kutu, di bulu kero
Keronyo duo, lagi bebalah
Kalu mak itu, aku percayo
Sini ke pempeknyo, kakak baleklah
Bujang : !@$#$%^&*(@
Posted in:
Puisi Dan Pantun
